Hitzarmen Batzordeak lehiaketa baterako deialdia luzatzen du alde batetik Zorrotzaurre proiektuaren A faseko hirigintza obren garapenerako eta bestetik obraren zuzendaritzarako

Hitzarmen Batzordeak lehiaketa baterako deialdia luzatzen du, alde batetik Zorrotzaurreko Jarduera Integratuaren 1. Betearazpen Unitateko A Faseari dagozkion hirigintza obren garapenerako eta bestetik, obra horien zuzendaritzarako.

Urbanizatu beharreko eremua Deustuko kanalaren eskuineko marjinan dago, San Ignacio auzoan, eta Elorrietatik Ballets Olaeta kaleraino hedatzen da.

Obren lehiaketako aurrekontu oinarria 13.020.209 eurokoa da eta obren zuzendaritzarena berriz, 240.000 eurokoa; kopuru biak BEZ gabe daude.

Eskaintzak aurkezteko epea 2018ko urtarrilaren 31ko, asteazkena, 14,00etan amaitzen da, obretarako, eta otsailak 1eko, osteguna, 14,00etan, obren zuzendaritzarako.

Lehiaketetako orriak eskuragarri daude proiektuaren web orrialdeko “Kontratatzailearen Profila” atalean.